ਭਾਰਤ ਗੁਰਦਵਾਰੇ ਨੇੜਿਉਂ ਮਸਜਿਦ ਹਟਾਉਣ ਲਈ ਪਾਕਿ ਸਰਕਾਰ ’ਤੇ ਦਬਾਅ ਬਣਾਵੇ

» Mail This News To Friend » Post Your Comment » Read Reader's Comments

ਸ਼੍ਰੋਮਣੀ ਅਕਾਲੀ ਦਲ (ਮਾਸਟਰ ਤਾਰਾ ਸਿੰਘ) ਦੇ ਪ੍ਰਧਾਨ ਸ. ਰਛਪਾਲ ਸਿੰਘ ਨੇ ਲਾਹੌਰ ਦੇ ਨੌਲੱਖਾ ਬਾਜ਼ਾਰ ਵਿਚਲੇ ਗੁਰਦਵਾਰਾ ਸ਼ਹੀਦ ਸਿੰਘ ਸਿੰਘਣੀਆਂ ਨੇੜੇ ਮਸਜਿਦ ਉਸਾਰੇ ਜਾਣ ’ਤੇ ਡੂੰਘੀ ਚਿੰਤਾ ਜਤਾਉਂਦਿਆਂ ਕਿਹਾ ਕਿ ਇਸ ਪੁਰਾਣੇ ਗੁਰਦਵਾਰੇ ਦਾ ਨਿਰਮਾਣ ਸਿੱਖਾਂ ਨੇ ¦ਮੀ ਕਾਨੂੰਨੀ ਲੜਾਈ ਜਿੱਤ ਕੇ ਕਰਵਾਇਆ ਸੀ। ਇਥੇ ਜਾਰੀ ਬਿਆਨ ਰਾਹੀਂ ਉਨ੍ਹਾਂ ਭਾਰਤ ਸਰਕਾਰ ਨੂੰ ਅਪੀਲ ਕੀਤੀ ਕਿ ਉਹ ਪਾਕਿ ਸਰਕਾਰ ਉਤੇ ਗੁਰਦਵਾਰੇ ਨੇੜਿਉਂ ਮਸਜਿਦ ਹਟਾਉਣ ਲਈ ਦਬਾਅ ਬਣਾਵੇ ਕਿਉਂਕਿ ਇਕ ਤਾਂ ਮਸਜਿਦ ਪਾਕਿਸਤਾਨ ਦੇ ਕਾਨੂੰਨ ਮੁਤਾਬਕ ਨਿਸ਼ਚਿਤ ਦੂਰੀ ਤੋਂ ਬਹੁਤ ਘੱਟ ਦੂਰੀ ’ਤੇ ਉਸਾਰੀ ਗਈ ਹੈ ਅਤੇ ਦੂਜਾ ਮਸਜਿਦ ਦੀ ਉਸਾਰੀ ਲਈ ਕਾਨੂੰਨੀ ਪ੍ਰਵਾਨਗੀ ਵੀ ਨਹੀਂ ਲਈ ਗਈ। ਉਨ੍ਹਾਂ ਖ਼ਦਸ਼ਾ ਪ੍ਰਗਟਾਇਆ ਕਿ ਗੁਰਦਵਾਰਾ ਸ਼ਹੀਦ ਸਿੰਘ ਸਿੰਘਣੀਆਂ ਦੇ ਐਨ ਨੇੜੇ ਮਸਜਿਦ ਉਸਾਰੇ ਜਾਣ ਕਾਰਨ ਪਾਕਿ ਸਣੇ ਵਿਸ਼ਵ ਦੇ ਮੁਸਲਮਾਨਾਂ ਅਤੇ ਸਿੱਖਾਂ ’ਚ ਤਣਾਅ ਪੈਦਾ ਹੋ ਸਕਦਾ ਹੈ, ਜੋ ਕਿਸੇ ਦੇ ਹਿਤ ਵਿਚ ਨਹੀਂ ਹੋਵੇਗਾ।